Gipuzkoako Foru Aldundiko Berdintasun Zuzendaritzak martxan jarri duen Erantzunkide programan hartu dute parte Elgetako Herri Eskolako LH 3, LH 4, LH 5 eta LH 6 geletako ikasleek, guztira 39 neska-mutiko. Kanpotik etorritako hezitzaileekin erantzunkidetasunaren inguruko lanketa egin zuten.
Etxean nork zein lan egiten dituen eta banaketa justua den aztertu zuten saioan. Neska-mutikoei, gainera, zeregin horietan erantzunkizunik hartzen duten edo ez galdetu zieten. Saioaren helburua erantzunkidetasuna lantzea izan zen bai maila indibidualean bai maila kolektiboan. "Emakumeen eta gizonen arteko berdintasuna lortzeko bidean oinarrizko urratsak bermatzea", adierazi dute arduradunek.
