Duela 81 urte gertatutakoa irudikatuz diskurtso frankista gaur Elgetako udaletxeko balkoitik

Bi asteko jardunaldi bereziei amaiera emateko frontean hildako 231 gudari eta miliziano omendu dituzte, gaur, Elgetan. Ondoren, tropa frankistek herrian sartu zireneko uneak irudikatu dituzte, eta horrekin batera herriaren ebakuazioa eta zibilen kontra egindako gehiegikerietako batzuk. Ikusle askorendako gogorra izan da udaletxeko balkoitik diskurtso eta keinu frankistak ikustea, baina garrantzitsutzat jotzen dute gauzak gertatu moduan kontatzea.

Boluntario talde zabala eta ikusle gehiago zeuden zain herrian aurten lehenengo aldiz egitekoa zen Elgetaren gainbehera herri antzezpena egiteko eta ikusteko. 1937ko apirilaren 24a irudikatu dute antzezle boluntarioek. Bonbardaketak, erresistenteen atsekabea frontea jaustear dela kontu ematerakoan, herria ebakuatzeko erabakia... Ondoren agertu dira tropa frankistak. Erreketeak, falangistak, erregularrak... hainbat gudaroste sartu dira herrian baita garaile moduan sartu ere. Herritarren kontra egindako gehiegikeriak irudikatu dituzte Elgetako antzezlanean, ikurriñen erreketak, diskurtso eta ereserkia frankistak...

Ikusle askorendako gogorra izan da ikusitakoa, baina batek baino gehiagok adierazi du gauzak gertatu moduan gogoratu behar direla. Antzezlana Francoren heriotzaren albistearekin amaitu dute. Dantza egin dute Elgetako Mendizaleen plazan.

Erlazionatuak

'Elgetaren gainbehera' antzezlana

Elgeta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.