Martitzenera arte, apirilak 24, dago zabalik izen-ematea. Maiatzaren 2an emango diote hasiera ikastaroari eta bi taldetan banatuko dituzte neska-mutikoak. Izen-ematea 15 euro da. Antolatzaileek jakinarazi dute jaietako emanaldirako abarketa zuriak ikastaroan bertan erosteko aukera izango dela, eta gastu hori norberak hartuko duela bere gain.
Bi taldeen ordutegiak
Lehenengo taldeak 18:45etik 19:30era egingo du ikastaroa eguaztenetan, eta 2013tik 2005era jaiotakoak arituko dira bertan. Aurten bost urte betetzen dituzten neska-mutikoak izango dira txikienak.
Bigarren taldearen saioak 19:30etik 20:15era izango da, eta 2004. urtetik aurrera jaiotakoak sartu dira bertan.