Komikietan jasotako gerra pasarteen kontakizuna, gaur, Elgetan

Iñaket marrazkilaria eta Mikel Begoña esataria.

Euskaraz eta gehienbat helduendako izango da gaurko Komikiz komiki, lubakiz lubaki ikuskizuna, 19:00etan. Robert Capa gerra argazkilariaren ibilerak oinarri dituen Tristisima ceniza komikian jasotakoak eskainiko dituzte zuzeneko marrazketa, musika eta hitzaldi bidez Iñaket marrazkilariak, Txaber gitarristak eta Mikel Begoña esatariak.

"Hitzaldia eta zuzeneko marrazketa eta musika uztartuko dituen saioa izango da. Komikiak eta gerra zibila Euskal Herrian dira jorratuko ditugun gaiak. Batez ere guk egindako Tristisima Ceniza komikiaren inguruan egingo dugu berba", azaldu du Iñaki Begoña esatariak.

Hiru lagunek emango diote bizia ikuskizunari eta hainbat diziplina uztartuko dituzte bertan. "Iñaket marrazketan airtuko da, Txaberrek gitarrarekin lagunduko du eta nik gaiak aurkeztuko ditut", aurreratu du Begoñak.

Tristisima ceniza-ri buruz galdetuta dio Norma argitaletxeak gazteleraz eta Cambourakisek frantsesez argitaratutako komiki bat dela. "Gernika bonbardatu eta Bilbo erori arteko garaian kokatzen da istorioa. Robert Capa da bertan agertzen den pertsonaia nagusia eta badago Intxortan ibilitako emakume brigadista bat".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.