'Bertsol Haritza' ikuskizuna gaur Liburuaren Nazioarteko Eguna ospatzeko

Bertsol Harita ikuskizuna. (Iturria: Atxegaldeko jaiak)

Urtero moduan kalera aterako ditu liburuak liburutegiko arduradun Geaxi Ezpeletak. Horrekin batera, 5-11 urte bitarteko neska-mutikoei zuzendutako ikuskizuna dago iragarrita.

Kontakizuna eta kantakizuna uztartzen dituen ipuin kontaketa da Bertsol Haritza eta haritz baten baitan mamitzen dira istorioak. Oso haritz berezia da; izan ere, ezkurrak eman beharrean hitzak ematen ditu. Gaztetxoek aukeratuko dituzte hitzak eta haritzaren zaintzaileak jasotako hitz bakoitzeko ipuina bat sortuko du.

Ikuskizuna 17:00etan hasiko da, eguraldi onarekin plazan. Bertsozale Elkarteko Lanku egitasmoaren proposamena da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.