"Umeak borobilean jarri eta hainbat teknika landu zituzten. Lehenik eta behin, Txanogorritxuren ipuina ahalik eta laburren kontatzeko ariketa egin zuten, ideia nagusiak identifikatzeko asmoz. Ostean, ipuin bera askotariko emozioekin kontatzen hasi ziren: oihuka, baxu-baxu, pozik, haserre..." azaldu du Elgetako liburutegiko arduradun den Geaxi Ezpeletak.
Ia bi orduko saioa izan zen, eta bertako gidari lanak egin zituen Eneko Haritza gustura geratu zen emaitzarekin. Ez bera bakarrik, haurren gurasoak ere pozik azaldu ziren, oso gutxitan antolatzen direlako zortzi urtetik gorako haurrentzako ekintzak.
