Bihar amaitzen da Sahararen aldeko elikagai bilketarako produktuak emateko epea

Larraitz Zeberio Lekuona 2018ko urt. 29a, 10:24

Arroza, lekaleak, azukrea, atuna, sardina oliotan, pasta eta olioa eskatu dituzte. Elgetan Herri Eskola da bilketa puntu nagusia.

Debagoieneko Sahararen aldeko Bubisher elkarteak urteroko elikagai bilketa antolatu du. Piztu Itxaropena lelopean egingo dute 14. euskal karabana. Elgetarren elkartasuna eta laguntza ere eskatu dute. Bihar, urtarrilak 30, amaitzen da  produktuak jasotzeko epea. Herri Eskolan da bilketa puntu nagusia, aurten. 

Arroza, lekaleak, azukrea, atuna, sardina oliotan, pasta eta olioa eskatu dituzte. "Tindoufeko errefuxiatu kanpamenduetan baldintza penagarrietan bizi dira, eta osasun arazo handiak sortzen ari zaizkie, batez ere, 5 urtetik beherako umeei, haurdun dauden emakumeei edo bularra ematen ari direnei", adierazi dute Bubisher elkartetik. Jakinarazi dute otsailean abiatuko dela euskal karabana Saharara.

Marrazki lehiaketa

Bubisher elkarteak marrazki lehiaketa ere antolatu du. Gaiarekin lotutako marrazkiak jaso gura dituzte. Irabazleen izenak otsailaren 10ean emango dituzte ezagutzera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak