Domekarako iragarri dute hurrengo Herrixa Dantzan saioa Elgetan

Abendu hasieran Elgetan egindako Herrixa Dantzan saioa.

Urtarrileko azken domekarekin dator hurrengo dantzaldia, eta 19:00etan emango diote hasiera Espaloia kafe antzokian. Ohikoa denez Patxi Monterok egingo ditu gidari lanak.

Gidatutako dantzaldia da Herrixa Dantzan, dantza eta musika tradizionala oinarri hartzen duena. "Helburua, animatzen diren herritarrak elkarrekin dantzan ondo pasatzea da". Sarrera doan da eta parte-hartzea librea. "Kafe antzokiko taberna itxita badago ere jatekoak eta edatekoak eramango ditugu", esan du Monterok. Gogorarazi du baita ere Elgetako Udalak diruz lagundutako ekimena dela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.