Urtea amaitu orduko banatuta pilota lehiaketako txapelak

Urtezahar Eguneko sari banaketa, frontoian.

Urtezahar Egunean, giro onean joan ziren pilota txapelketako finalak. Gizonezkoetan aurreko urteko txapeldunek jantzi zuten berriz ere txapela. Emakumezkoetan, irabazleak, Uxue Larrea eta Maitena Mañarikua izan dira. Herriko neska-mutikoek gaur jokatuko dute txapelketa, 11:00etan hasita.

Estu joan zen 40 urtetik gorako gizonezkoen finala. Oskar Askasibar eta Haritz Gallastegi nagusitu ziren, baina emaitza 22-20 izan zen. Azkeneraino borrokatu ziren Iban Retolaza eta Pello Larrea.

Emakumezkoetan Uxue Larreak eta Maitena Mañarikuak jantzi zuten txapela: 22-15 irabazi zuten Janire Lazkanoren eta Nagore Ojangurenen aurkako finala.

Gizonezkoen bigarren finala, 40 urtetik beherakoena, Oskar Sarasuak eta Andoni Elorzak irabazi zuten Josu Mañarikuaeta Beñat Arabaolazaren aurkako norgehiagoka 22-12 irabazita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.