Gauean 68 kilometro orduko haize-boladak izan dira Elgetan

Torrealdea auzoko jolas parkeko lurra altxatu du haizeteak.

Haizetearen eraginez errepidera jausitako adar puskek zenbait zirkulazio arazo sortu dituzte goizeko lehen orduan, baina laster zabaldu dituzte berriz ere bideak. Hondakinendako edukiontziak ere mugitu ditu haizeteak eta horietako batzuk apurtu ere bai. Torrealdea auzoan, berriz, altxatuta dago umeen jolas parkeko lurra.

Egoera bere onera itzuli da, baina Ana ekaitzak gogor astindu du gauerdian Elgetan ere. Adar puskak daude errepide bazterretan eta hondakinendako edukiontzi bat baino gehiago daude apurtuta. Bere lekutik mugitu ditu haizeak eta gaur goizean batek baino gehiagok apurtuta dauka tapa.

Torrealdea auzoan, berriz, altxatuta dago umeen jolas parkeko lurra. Indartsu ibili da haizea zenbait zati urrutira bidali ditu eta.

68 kilometro orduko haize-boladak

Gauerditik aurrera jo du indartsuen Ana ekaitzak. Aemet-ek Pagatzako industrialde amaieran duen estazio klimatologikoak hartutako datuen arabera 68 kilometro orduko haize-boladak izan dira Elgetan. Tarterik txarrena 22:00etatik 03:00ak bitartekoa izan da, eta bereziki txarra 02:00ak aldera. Haize-boladak 39-68 kilometro ordukoak izan dira denbora tarte horretan.

22:00etan estazioak 51 kilometro orduko haize-boladak neurtu ditu, 23:00etan 55 kilometro ordukoak, 24:00etan 56 kilometro ordukoak, 01:00etan 57 kilometro ordukoak eta 02:00etan 68 kilometro ordukoak. 03:00etarako baretu egin da apur bat egoera; 31 kilometro orduko haize-boladak markatu ditu estazioak.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.