Berezia izan da goiza Elgetan. Abisua emanda zegoen eta elurra puntual-puntual etorri da. Hurrengo orduetan gehiago egin dezakeela diote adituek, eta Elgetako Udalak hainbat jakinarazpen egin ditu.
-
Autoa erabili behar duzuenoi Elgeta eta Bergara arteko errepidea erabiltzea gomendatzen zaizue.
-
Salbador kaleko irteera ireki egingo da, loreontziak kenduta.
-
Autoa aparkalekuetan ZUZEN lagatzea eskatzen da, edozein modutan lagatzeak eragotzi egiten baitu zerbitzu egokia ematea.
-
Herritarrei eskatzen zaie kotxea behar-beharrezkoa denean soilik erabiltzeko.
-
Etxeko ataria garbitu gura duzuen herritarrok GATZA eta PALAK eskatu ditzakezue udaletxean.
-
Informazio gehiago jasotzeko: 943 76 80 22 (lan orduetan), udala@elgeta.eus, Facebook (Elgetako Udala)
