Lau tiraldi izan ditu txapelketak eta Azkoitiko Floreaga bolatokian eman zioten hasiera irailaren 23an. Tarte horretan Markinako Barinagan, Eibarko Asola Berrin eta Bolibarko Iruzubietan ere izan dira bolariak.
Gaur jokatu dute txapelketako laugarren eta azken tiraldia, Bolibarren. Emakumezkoetan Geaxi Ezpeletak jaso du sari nagusia txapelketa osoan hamaika txirlo jota.
Gizonezkoetan Asola Berriko Bittor Astigarraga izan da irabazlea 21 txirlo jota. Hemezortzi txirlo jota bigarren egin du San Migel taldeko Xabier Loiolak. Elgetako taldeko Sebastian Arantzabalek, berriz, bosgarren egin du hamazazpi txirlo jota.
