Hiru zoro eta eskutitz pila Liburutegien Nazioarteko Egunean plazan

Elgetako Udalak liburutegiarekin elkarlanean antolatuta Letter, eskutitz baten bidaia izeneko ikuskizuna eskaini zuten atzo Malas Compañias Zirku Taldeko kideek Elgetan. Eguraldia lagun herritar ugari gerturatu ziren ikustera.

Zirkoa eta umorea antzerkiarekin eta poesiarekin nahasten ditu Letter, eskutitz baten bidaia ikuskizunak. "Gutunek gure ahotik irten ezin diren hitzak esateko balio dute. Gutunek zain gauden hitzen oihartzuna ekartzen digute, baina bide horretan gauza asko gerta daitezke eta sarri bide hori bihurtzen da benetan axola duena", diote artistek.

Mendizaleen Plazan egin zuten hiru komedianteek saioa Liburutegien Nazioarteko Egunaren harian. Txiribuelta eta akrobazia ugari egin zituzten elgetarren aurrean, beti ere eskutitzek egiten duten bidaiaren haria galdu gabe. Azkenerako gutun sorta iritsi zen hainbat elgetarren izenean.

Neska-mutikoek ondo pasa zuten saioan eta hain gazteak ez diren ikusle makina batek ere bai.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.