Kataluniaren aldeko mobilizazioak Elgetan ere

Elkarretaratze isila, gaur, Elgetako Mendizaleen plazan. (argazkia: Rebeka Ubera)

Katalunian greba orokorrerako deialdia izan dute gaur, urriaren 1eko gertakariak direla-eta. Horregatik, Euskal Herriko hainbat gizarte eragilek —tartean Gure Esku Dago-k—, Kataluniari babesa erakusteko deialdia egin dute.

Plazan, kalean edo etxeko balkoi zein leihoetan, gaur gaueko hamarretan argi guztiak itzali eta lapikoak eta kazolak jotzera animatu dituzte herritarrak. Horren aurretik, mobilizazioak ere egin dituzte hainbat herritan, 19:00etan. Elgetan ere hainbat lagun elkartu dira.

Domekan 'cassolada' egin zuten

Urriaren 1ean, Kataluniako erreferendumari babesa erakusteko cassolada-k egiteko deialdia egin zen Euskal Herrian. Elgetan ere egin zuten kazerolada zartagin eta kazolak astinduz. Katalunian, azken asteetan, egunero-egunero irteten dira katalan ugari kalera, minutu luzez lapiko-jotzeak egitera.

(Argazkia: Elgetako Gure Esku Dago)

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.