Martxotik ekainera bitartean egindako tailerrak harrera oso ona izan zuen eta berriz egiteko asmoa agertu zuen gizarte-ongizate saileko arduradun Mirari Larrañagak. Laster egingo dute hurrengoa, urriaren 18tik otsailaren 3ra bitartean. Ordu eta erdiko hamahiru saioa izango dira. Eguaztenetan egingo dituzte 09:30etik 11:00etara Elgetako kultura etxean.
Bultzatzaileek azaldu dute Elgetako eguneko zentroko terapeutak gidatuko dituela saioak eta adimen kognitiboa estimulatu nahi duten pertsonendako dela egokia. ikastaro dinamikoa izango da. "Ikastaroa amaitutakoan norberak jarrai ditzakeen jarraibideak eskainiko dira".
Izen ematea zabalik
Ikastaroa doan da eta zabalik da izena emateko epea Elgetako udaletxean urriaren 2tik 11ra bitartean, biak barne. Informazio gehiagorako gizarte zerbitzuetara gerturatu behar dute interesatuek edo 943 768 022 telefono zenbakira deitu behar dute.