16:45ean gertatu zen ezbeharra Gipuzkoa eta Bizkaia arteko mugan. Autoko gidaria, 31 urteko emakume bilbotarra, zaurituta eraman zuten Debagoieneko Ospitalera.
Istripu larria izan zen, atzo, Elgetatik Elorriorako bidean. Hain zuzen ere, GI-2632 errepideko 34,9 kilometroan. Ertzaintzatik jakinarazi dutenaren arabera Seat Ibiza bat errepidetik irten zen eta lubeta batetik jausi zen. 15-20 metroko erorketa izan zela adierazi dute. Larrialdietako zerbitzuak bertaratu ziren eta gidaria Debagoieneko Ospitalera eraman zuten zaurituta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.