Zapatuan zabalduko ditu ateak gazteleku zerbitzuak

Grafiti tailerra, aurreko ikasturtean, Elgetako gaztelekuan.

10-14 urtebitarteko gazteendako gunea da eta zapatuetan eta domeketan emango du zerbitzua, 16:00etatik 20:00etara. Ordaintzeko hainbat formula daude aurten: astebururako bonuak, hilabeteko kuota edo ikasturte osoko kuota, hain zuzen ere.

Ikasturte honetan ere Nerea Villa elgetarrak gidatuko ditu gaztelekuko ekintzak eta zerbitzuak zapatuan zabalduko ditu ateak, 16:00etan. Aurreko ikasturtean moduan 10-14 urte bitarteko neska-mutikoendako gunea da eta zapatuetan eta domeketan emango du zerbitzua, 16:00etatik 20:00etara.

Izenematea zabalik

Izenematea zabalik da udaletxean, eta hilean behin ate irekiak egingo dituzte nahi duenak zerbitzua ezagutzeko. Ordainketa egiteko hiru aukera izango dira ikasturte honetan. Udalak asteburuko bonuak atera ditu; prezioa da 10 euro. Hilabeteko kuota ere bada; 25 euro. Azken, eta aurten berrikuntza da, urte osoko kuota ordaindu daiteke. Urritik martxora arteko zerbitzua da 120 euro.

Iaz hainbat tailer, hitzaldi eta irteera egin zituzten gazteleku zerbitzutik. Ikasturte honetan ere bide beretik jarraituko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.