17:00etan eman zioten hasiera norgehiagoka bereziari Elgetako pilotalekuan. Goizeko baserritarren azokaren ostean eta arratsaldeko Sagardo Egunaren aurretik ikusle kopuru polita elkartu zen frontoian. Udalak antolatuta Naroa Iturian-Maite Ruiz de Larramendi eta Andrea Aldaregia-Olatz Ruiz de Larramendi bikoteak aritu ziren nor baino nor kantxan.
Herri mailako pilota txapelketa
Bihar, martitzena, amaitzen da herri mailako pilota txapelketan izena emateko epea. Antolatzaileek emakumezkoen parte hartzea bultzatu gura dute, eta hiru kategoria dira aurten ere: emakumezkoak, 40 urtetik gorako gizonezkoak eta 40 urtera arteko gizonezkoak.
