Kataluniaren aldeko elkarretaratzea deitu dute 19:00etarako udaletxe aurrean

Katalunian bizi duten egoerarekin kezkatuta EH Bilduk elkarretaratzeak deitu ditu gaur, irailak 20, iluntzerako. Elgetan 19.00etarako deitu dute, eta udaletxe aurrean egingo dute.

Kataluniako gobernuaren hainbat egoitzan izan dela Guardia Zibila jakinarazi dute hainbat iturrik, erreferendumarekin lotura duten frogak topatzeko asmoarekin. Hamalau lagun atxilotu dituztela iragarri dute, eta 22 miaketa egin. 

Horren aurrean babesa erakutsi gura diete EH Bilduko kideek, Kataluniarekin bat, Demokraziarekin bat leloarekin.

Hainbat herritan deitu dituzte elkarretaratzeak, eta Elgetan ere bai. "Elgetan 19:00etan egingo dugu elkarretaratzea, Kataluniarekin bat egiten dugula adierazteko", adierazi dute Elgetako EH Bildutik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.