Xabier Ulazia: "Antzokiarekin lotuta pentsatzen ari bazarete beste esleipen bat egitea… formatu honetan ezin da, ezin da!"

Atzo onartu zuen Elgetako udalbatzak Espaloia kafe antzokiaren azken esleipen kontratua bertan behera uzteko erabakia. Lau hilabete egin ditu Xabier Ulaziak Elgetako antzokian —apiril amaieran utzi zuen—. Gaia mahai-gainean izango zela-eta atzoko osoko bilkuran izan zen eibartarra. Kontratu etetearen negoziazioarekin lotutako hainbat balorazio egin zituen, baina baita kultura proiektuarekiko hainbat gogoeta ere.