Eneritz Larrearen kartel proposamenak jaso ditu boto gehien

'Jaixetan kolore eztanda' kartela. Egilea: Eneritz Larrea

Jaixetan kolore eztanda izeneko lana izango da 2017ko Ferixa Nagusiko jaietako kartel ofiziala. Herritarrek emandako 177 botoetik 100 jaso ditu.

Elgetarrek aurreko aste osoa izan zuten jaietako kartel lehiaketara aurkeztutako bi proposamenen artean gustukoenaren aldeko botoa emateko. Buztin gelan izan ziren bi lanak ikusgai.

Atzo egin zuen botoen zenbaketa jai batzordeak. 177 boto eman dituzte herritarrek, eta horien artean 100 izan dira Eneritz Larreak aurkeztutako Jaixetan kolore eztanda lanarendako. Bere lana 2017ko Ferixa Nagusiko kartel ofiziala izateaz gain ehun euroko saria jasoko du Larreak.

Kartel lehiaketara aurkeztutako bigarren lanak 75 boto jaso ditu, eta boto zuriak bi izan dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.