Lapurretan egin dute gazte kuadrilla batek erabiltzen duen Berraondokoa industrialdeko lokal batean

Larraitz Zeberio Lekuona 2017ko mar. 9a, 14:46
Lapurrak sartu diren Berraondokoa industrialdeko lokala.

Bi plasma telebista, play station hiru bat eta bizikleta bat lapurtu dituzte. Inork ezer ikusi badu informazioa emateko eskatu dute.

Gazte kuadrillak jakitera eman duenez gaur gauean gertatu da lapurreta, 01:00ak eta 04:30 artean. Adierazi dutenez leihotik sartu dira lapurrak Berraondokoa industrialdean duten lokalean. Deigarria da lokala lehenengo solairuan dagoelako. Bi plasma telebista, play station hiru bat eta bizikleta bat sumatu dituzte faltan.

Elgetako gazte kuadrillak eskatu du inork informaziorik balu jartzeko taldearekin harremanetan. Bizikletaren argazkia ere erakutsi dute inork ikusiko balu abisua emateko.

Elgetarrei, gainera, adi egoteko gomendioa egin diete. "Bidea ikasi dute", esan dute.

 

 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak