Binakako frontenis txapelketa mistorako izen-ematea zabalik

iaz egindako frontenis txapelketan parte hartu zuen emakume taldea.

Interesatuek Bolatoki tabernan eman behar dute izena martxoaren 1a baino lehen. Prezioa da hamar euro bikoteko

"Bikote mistoendako frontenis txapelketa antolatu gura dugu aurten", adierazi du bultzatzaile nagusi Iratxe Bravok. "Ideia da urte batean emakumezkoendako txapelketa egitea eta hurrengoan bikote mistoendako txapelketa".

Bravok jakinarazi du zabalik dagoela izen-ematea eta interesatuek martxoaren 1era arte dutela horretarako. Prezioa da hamar euro bikoteko, eta txapelketa amateur mailako jokalariendako da. "Izena ematen duen bikote kopuruaren arabera erabakiko dugu txapelketa antolatzea merezi duen edo ez, eta horren arabera zehaztuko dugu egutegia", esan du Bravok.
Interesatuek Elgetako Bolatoki tabernan eman behar dute izena. Ekimenak Elgetako Udalaren laguntza jasoko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.