Udala hasita dago 2017ko Ferixa Nagusiko jaien antolaketarekin. Gaur egin dute jaietako musika taldeak aukeratzeko batzorde irekia. Zehazteke dago, oraindik, erromerietako bat zein taldek egingo duen.
Batzorde horretan adostu dute En Tol Sarmiento, DJ Bull eta Trikizio ekartzea 2017ko Ferixa Nagusiko jaietara. Barikurako ekarri nahi dituzte Elgetara En Tol Sarmiento eta DJ Bull. Arabako ska-rock taldea da lehenengoa, eta DJ Bull –Jon Gotzon Ugalde— musika jartzaile aski ezaguna da Debagoienean.
Trikizio taldea, berriz, eguenerako aurreikusten dute. Folk, rock eta ska estiloetan diharduen musika taldea da. Zapatuko emanaldirako taldea zehazteko dago oraindik. Jai batzordetik jakinarazi dute hainbat aukera daudela aztertzeko. Udala hurrengo egunetan jarriko da harremanetan hiru taldeekin datak lotzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
