Opilak eskolan eta meza Arantzetako San Blas ermitan

San Blas opila egiteko orea prestatzen.

Bihar, San Blas opilak egiten emango dute goiza Elgetako Herri Eskolan. Arantzetako auzotarrek domekan ospatuko dute eguna. Meza iragarri dute, 12:00etarako.

Urteroko hitzordua da, eta aurten ere amantalak jantzi eta arrabolak eskuan opilak egiteko orea prestatuko dute ikastetxean. Lehen Hezkuntzako ikasleek eta 5 urteko gelako neska-mutikoek egingo dute lan hori. Errezeta landu, osagaiak prestatu, neurriak kalkulatu eta orea prestatuko dute. Haur Hezkuntzako gainerako umeendako ere prestatuko dituzte opilak. Amantala, arrabola eta sukaldeko zapia eraman behar dute ikasleek eskolara. Amaitutakoan etxera eramango dute orea labean sartu eta egosteko.

Meza Arantzetako ermitan

Arantzeta auzoko San Blas ermitan ere ospatuko dute, aurten, patroiaren eguna. Urtero moduan auzotarrek meza iragarri dute. Domekan izango da, 12:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.