Bi motako diabetesa izateko arriskua kalkulatzen duen Findris testa egin daiteke Elgetako botikan ekainera bitartean. Kanpaina 40 urtetik gorakoei edo arrisku faktoreak dituzten 25 urtetik gorakoei zuzenduta dago. Arrisku faktoreak dira aurrekari familiarrak, gainpisua, dieta ez osasungarria egitea...
Testa egiteko ez da beharrezkoa aurretik txanda hartzea eta doan da. Neurtu, pisatu eta galdera sorta bat erantzun behar da. Hala, Bi diabetesa izateko arrisku maila zein den antzeman daiteke eta horren araberako neurri higieniko-dietetikoak proposatzen zaizkio test egileari. Arrisku maila oso handia bada sendagilearengana bideratzen da kasua.