Umeendako marrazki lehiaketa antolatu dute Spaloian domeka arratsalderako

Larraitz Zeberio Lekuona 2017ko urt. 13a, 09:00
Haur taldea Errege eguneko eskulan tailerrean egindako haize-errotak erakusten.

Hamabi urtera arteko neska-mutikoendako lehiaketa da. Marrazkiak Spaloian egin beharko dira 17:00ak eta 19:00ak bitartean. Bezeroek aukeratuko du onena bozketa bidez.

Spaloia kafe antzokitik neska-mutikoendako marrazki lehiaketa iragarri dute domeka arratsalderako. "Marrazki lehiaketa Spaloia antzokian bertan egingo da, domekan, urtarrilak 15, 17:00etatik 19:00etara bitartean. Lehiaketako baldintza garrantzitsuena marrazkiak bertan egin beharko direla da. Hau da, aipatutako egun eta ordu tarte horretan eta margoak ekartzea gomendatzen dugu", esan dute antolatzaileek.

Bezeroek aukeratuko dute marrazki irabazlea bozketa bidez. "Bozkatzeko aukera izango da astelehenetik barikuko 17:00ak bitartean. Sari banaketa, zapatuan, hilak 21 egingo dugu Spaloian 19:00etan". 

Zapatu arratsaldean itxita

Spaloitik jakinarazi dute, bestalde, Sarek zapaturako deituta duen manifestazioarekin bat eginik zapatuan itxita egongo dela aretoa 16:00etatik 19:00tara.

Kontzertua

Hurrengo asterako, berriz, kontzertua iragarri dute. Itzala taldeak egingo du emanaldia zapatuan, hilak 21, 19:30ean. Sarrera doan izango da.


ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak