Aurten ere autobusa irtengo da Elgetatik Sarek Bilbon deitu duen manifestaziora joateko. Euskal presoen eskubideak aldarrikatzeko izango da urtarrilaren 14ko Euskal Presoak Euskal Herrira! manifestazioa. "14ean, Salatzen dut inflexio puntu bat izango da, garrasi isil eran", esan dute deitzaileek.
16:00etan irtengo da autobusa Elgetatik. Antolatzaileek jakinarazi dute izen ematea zabalik dela Haizea tabernan eserlekuak bete arte.