Manga marrazkiak, Krav maga arte martziala eta gezi-jaurtiketa aurkeztu zituzten, atzo, gaztelekuan

Hiru herritar gonbidatu zituzten, atzo, Elgetako gaztelekura dituzten zaletasunen aurkezpena egiteko. Izar Irazabalek manga marrazkiak egiten ditu, Aitzol Oiartzabalek eta Iratxe Bravok Krav maga arte martziala eta gezi-jaurtiketa egiten dute. Ate irekiak zituzten gaztelekuan eta hogei bat gaztek adi-adi jarraitu zituzten hiru herrikideen azalpenak. Abenduaren 11n beste bi elgetar gonbidatuko dituzte gaztelekura. Kasu honetan bi lanbideren aurkezpena egingo dute: suhiltzailea eta basozaina.