Hirugarren pintxo domeka egin dute Elgetan, eta herritarrek publikoaren saria irabaziko duen pintxoa aukeratzeko abagunea izan dute. Plazatik abiatuta, gainera, Elgeta Kantuan ekimeneko kideek kantuekin alaitu dituzte taberna inguruak.
Mallalde, Bola-toki, Haizea eta El Rincon de Lola tabernetako pintxoekin gozatzeko aukera izan dute elgetarrek beste behin, euro baten truke. Epaimahaiaren saria El Rincon de Lolako pintxoak irabazi zuen (arrautza frijitua, patata purea eta barazkiekin osatutako edalontzia), eta oraingoan, publikoaren saria zeinendako izango den erabakitzeko aukera izan dute herritarrek. Irabazlea, aste barruan emango dute jakitera.
Pintxo dastaketa, eta herriko bazterrak alaitzeko kantuan ibili dira Elgeta Kantuan ekimeneko kideak. Kantu liburua eskuan, hainbat herritar betiko abestiekin gozatzera ere animatu dira hotzari aurre eginez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak