Zapatuan jokatu zuten Elgetako bolatokian Euskadiko hiru txirlo bolo txapelketako laugarren eta azken jardunaldia. Hamazortzi txirlo jota Elgoibarko Jabier Osoro izan da bolari onena. Bigarren egin du Bittor Ugarteburuk —16 txirlo— eta hirugarren Pedro Gomezek, biak Asola Berri taldekoak.
Emakumezkoetan Iruzubietako Esther Guenaga izan da onena. Hamabi txirlo jo ditu txapelketan. Bigarren izan da Garmendipeko Yarisa Caballero —zortzi txirlo—, eta hirugarren Asola Berriko Sonia Gomez —lau txirlo—.
