Liburua idazten ikasteko sormen tailerra umeendako Elgetako liburutegian

Eneritz Artetxek aurreko barikuan Elgetako liburutegian egindako ipuin kontalari saioa.

Alabazan taldeak gidatuko du 6-12 urte bitarteko neska-mutikoei zuzendutako hiru saioko tailerra. Zabalik da izen-ematea. Gaur, bestalde, ipuin kontaketa saioa egingo dute liburutegian.

"Ipuinen ordua izango dugu ostiralean liburutegian", adierazi dute udal liburutegitik. Bi saio izango dira eta boluntario taldearen eskutik etorriko dira. Lehenengoa 16:40ean hasiko da eta bost urteko gelatik gorako neska-mutikoendako izango da. Bigarrena 17:25ean izango da eta bi urteko gelatik gorako haurrendako izango da.

Azarora begira, bestalde, 6-12 urte bitarteko neska-mutikoendako Zure liburua idatziko duzu? sormen tailerra iragarri dute. "Tailerra printzipioz azaroaren 9an, 16an eta 23an –asteazkenak— izango da, 17:00etatik 19:00etara. Alabazan taldeko Bego Alabazan-ek gidatuko du". Gehienez hamabost laguneko taldea egingo dute. Gaur, barikua, da izena emateko azken eguna.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.