Valentziatik ekarri dute kanpandorreko kanpai batendako kanpai-mihi berria

Elgetako kanpandorreko zazpi kanpaietatik bi.

Zazpi kanpai daude Elgetako kanpandorrean. Horietako bati kanpai-mihia apurtu zitzaion eta ez da erraza izan pieza berria lortzea.

Orain hilabete ipini zioten kanpai-mihi berria argazkiko lehen planoan dagoen kanpaiari. Pieza bereziak dira eta ez dira edonon aurkitzen. Jesus Montiel elgetarrari eman zioten kanpai-mihi berria lortzeko ardura, eta azkenean Valentziako enpresa batetik lortu du pieza. "Oso gauza bereziak dira eta neurrira egiteko eskatu behar izan nuen. Neurriak hartu, eskaera egin eta Valentziatik etorri da kanpai-mihi berria", azaldu du Montielek. "Orain hilabete inguru ipini genuen bere lekuan".

Sei kanpai daude Elgetako kanpandorreko teilatupean, eta zazpigarrena —Aingeru kanpaia— teilatu gainean dago. Sistema automatikoki ipinita dago eta oso gutxitan igotzen da inor kanpandorrera. Azkenaldia egin ditu buelta batzuk Jesus Montielek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.