Natur Gasek erosi ditu Elgetako gas kanalizazioak

Pagatzako industrialdean dagoen propago gas biltegia.

Eskualdatzeak ez omen du, oraingoz, eraginik izango erabiltzaileengan. Elkargasek urriaren 10ean egingo du kontagailuen azken irakurketa.

Repsol Gasek egin zituen Elgetako gas kanalizazioak, eta bera izan da gas hornitzaile bakarra hamarkadetan. Elgetan gas hornitzaile bakarra izango da aurrerantzean ere, baina Elkargas enpresatik baieztatu dutenez Repsol Gasek saldu egin ditu herriko gas kanalizazioak eta Natur Gasek erosi ditu.

"Urriaren 10ean egingo dugu Elgetako kontagailuen azken irakurketa", esan dute Elkargas enpresatik. "Herritarrek ez dute aldaketarik sumatuko. Natur Gasen asmoa da orain arte moduan Elgetan propanoa banatzen jarraitzea", esan dute.

Ikusteko dago hornitzaile aldaketak hobekuntzarik ekar dezakeen luzarora. Urteak dira Elgetako kontsumitzaileak ez daudela gustura gas horniketarengatik ordaintzen duten prezioarekin —inguruko herrietan baino garestiagoa beti—.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.