Egun berezia izan zen atzokoa Elgetako Herri Eskolan. Eguraldia lagun Lehen Hezkuntzakoek ur jolasak egin zituzten, eta bazkaria ere ez-ohikoa izan zen. Jangelako erabiltzaileek zein erabiltzaile ez direnek batera bazkaldu zuten frontoi zaharrean. Atzokoaren ostean oporretan dira Elgetako eskolako umeak. Lehen Hezkuntzako ikasleek, hori bai, noten bila joan beharko dute ikastetxera martitzenean, hilak 28.
2016-2017 ikasturtea
Hurrengo ikasturtea irailaren 7an hasiko da. Eguaztena da eta lehenengo eskola egunetan goizeko jardunaldia izango dute ikasleek. Eskolaratze berriei dagokienez, 2016-2017 ikasturtean bederatzi neska-mutiko sartuko dira bi urteko gelan. Azken erabakiaren zain zortzi unitateko eskola izango da Elgetakoa.