goiena.eus

Gertu dute Elgetan San Juan bezperako egitaraua

 Elgeta

Ogitarteko banaketa, Amaia DJren emanaldia, San Juan sua eta suziriak iragarri dituzte guraso elkartetik.

Gertu dute Elgetan San Juan bezperako egitaraua
San Juan sua, iaz, Elgetan. | Ikusi handiago | Argazki originala

Badator San Juan bezpera, urteko egunik luzeena eta gaurik motzena. Urtero legez sua piztuko dute Elgetan. Neska-mutikoek gertu dute piloa bolatokiko kantxa ondoan.

Guraso elkarteak hartu du, aurten, San Juan bezperako ekitaldien antolaketa bere gain. Urtero moduan ogitartekoak banatuko dituzte 19:30ak aldera herriko neska-mutikoen artean. Jarraian etorriko da Amaia DJren saioa. Bolatokiko kantxan egingo dute, 20:00etatik 22:00etara.

Ilundutakoan piztuko dute San Juan sua eta horrekin batera suziriak jaurtiko dituzte guraso elkarteak eta Bolatoki tabernak elkarlanean.

2016/06/23 19:30 - 23:59

Elosu auzoa | Bergara

Erantzunak

Erantzuna | #1

Guraso elkartetik jakinarazi dute uko egiten diotela suziriak botatzeari.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa