Ate joka ditugu Torrealdea auzoko Beheko Kaleko Jaiak. Barikuan, hilak 17, izango da egun handia. 17:30ean neska-mutikoendako bizikleta lasterketa egingo dute, aurten mendi kriterium kategoriakin. Jarraian, eta iaz moduan umeendako jolasak egingo dituzte. 18:00etan buruhandiak irtengo dira eta 19:00etan disko festa egingo du Amaia DJ-k.
Afaria, karaokea eta mojito jaia
Afaria egingo dute 21:30ean. Txartelak salgai daude 12 euroan Goikoetxe harategian bihar arte, ekainak 15. Festak karaoke jaialdiarekin egingo du aurrera 22:30ean. Mojito jaia ere iragarri dute Gauargi taldearen erromeriarekin. Gero gerokoak...
Bezperan auzolana
Auzotarrek bezperan, hilaren 16an, egingo dituzte prestaketa lanak festa giroan. Barra ipiniko dute, kalea girotuko dute... 18:00etan hasita. Pintxopotea iragarri dute 19:00etarako "Egan taldearen musikak alaituta".