Zapatuan eta domekan jokatuko dituzte frontenis txapelketako finalak

Emakumezkoen txapelketan parte hartu duten bikoteak.

Emakumezkoen finala zapatuan jokatuko dute, 19:00etan. Gizonezkoena, berriz, domekan 11:00etan.

Aste bukaeran jokatuko dituzte frontenis txapelketako finalak. Bederatzi bikote lehiatu dira aurten frontenis txapelketan: bost emakumezkoen txapelketan eta lau gizonezkoetan. Ligaxka egin dute lehenengo eta aurreko astean jokatuko zituzten finalerdiak. Hala, txapela nortzuk jantziko duten argitzea falta da.

Emakumezkoen finala zapatuan jokatuko dute, 19:00etan. Aurrez aurre izango dira Idoia Elkoro-Iratxe Bravo eta Beatriz Zabala-Rakel Zamaioa bikoteak. Finala jokatu aurretik hirugarren eta laugarren postuak erabakitzeko norgehiagoka jokatuko dute beste bi bikotek: Idoia Serna-Mireia Rubio eta Miren Argi Zeziaga-Lierni Mendizabal. 19:00etan emango du hasiera jaialdiak.

Gizonezkoek domekan jokatuko dute finala, 11:00etan. Lehian izango dira bi bikote gazte. Eneko Maguregi-Andoni Elorza eta Josu Mañarikua-Beñat Arabaolaza.

Partidu guztiak Elgetako udal pilotalekuan jokatuko dituzte.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.