Domekan egitekoa den herri galdeketaren harira solasaldia egingo dute bihar Elgetako udaletxean Laura Mintegik, Eider Mendozak eta Onintza Enbeitak.
Laura Mintegi idazlea eta EHUko irakaslea da, eta legebiltzarkide ohia EH Bildu koaliziotik. Eider Mendoza jeltzalea da eta Gipuzkoako Batzar Nagusietako lehendakaria. Onintza Enbeita bertsolaria da eta diputatu ohia Madrilen EH Bildu koaliziotik.
Erabakitzeko eskubidearen inguruan egingo dute berba Elgetan. Nork bere ikuspuntua emango du. Mahai inguruaren izenburua da: "Hiru emakume, hiru ikuspegi erabakitzeko eskubidearen inguruan".
