Joseba Lazkano eta Kandido Rodriguez nagusi Elgetan, bederatzi txirlo jota

Elgetako bolatokian hiru txirlo txapelketa jokatzen.

60 lagun elkartu dira, zapatuan, Elgetako bolatokian Gipuzkoako hiru txirlo txapelketako zazpigarren kanporaketan. Bederatzina txirlo jota Joseba Lazkano (Lastur) eta Kandido Rodriguez (Eibar) izan dira nagusi. Hirugarren geratu da Laura Ribas (Eibar) zazpi txirlorekin, eta laugarren Xabier Ortuzar elgetarra, sei txirlorekin.

"Giro benetan polita izan da, orain arteko kanporaketetan izan den onena esango nuke. Txapelketa bukatuta ere jendeak bolotan jarraitu du eta", adierazi du Sebas Arantzabalek. Elgetar asko izan da baina kanpotik etorritakoak ere bai, Eibar aldetik zein Bizkaitik.

Bi kanporaketa geratzen dira bakarrik txapelketa bukatzeko; datorren astean Soraluzen jokatuko dute, eta ekainaren 4an, Bergaran. Eta sailkapen buruan, 29na txirlorekin, doaz Gorka Etxaniz (Azkoitia) eta Jabier Osoro (Elgoibar).

Erlazionatuak

Hiru txirlo txapelketa Elgetan

Elgeta

Gipuzkoako hiru txirlo txapelketako zazpigarren kanporaketa, Elgetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.