Atzo eguerdian jokatu zituzten, Donostian, Gipuzkoako erretiratuen elkarteko mahai-jokoen txapelketako finalak. Tartean zen Elgetako bikote bat: Jesusa Iturrikastillo eta Asun Arruabarrena. Briskako finalerako sailkatu ziren bost bikote kanporatu ostean.
Atzoko finalean Debako bikote bat izan zuten aurrez aurre, eta 7-8 galdu zuten. "Justu joan zen", esan du Iturrikastillok. "Irabazten hasi ginen baina azkenean galdu". Txapeldunorde izendatu zituzten ekitaldiaren amaieran eta kopa bana jaso zuten Gipuzkoako Erretiratu eta Pentsiodunen Elkarteko presidente Jose Riviereren eskutik.