Elgetako gaztetxeak 20 urte betetzen ditu. Urteurren borobila ospatzeko hainbat ekintza antolatu dituzte gazte asanbladatik.
Mahai jolasen txapelketa batekin emango diote hasiera arratsaldeari, 17:00etan. Musean, partxisean eta antzerako mahai jolasetan ariko dira gaztetxean. Txapelketa amaitutakoan triki-poteoa egingo dute kalez kale, 20:00etan hasita.
Afaria eta erromeria
Eta ospakizunarekin jarraitzeko afaria eta erromeria antolatu dituzte gaztetxetik. Afaria 22:00etan izango da eta prezioa da 12 euro. Interesatuek Haizea tabernan eman behar dute izena eguenara bitartean. Menua da pasta entsalada, saiheskia brasan, postrea, kafea, sagardoa eta ogia.
Afaldu ostean erromeria izango dute gaztetxean. Elgetan aski ezaguna den Xero Xiette taldeak girotuko du 20. urteurrena.
Egitaraua
- 17:00etan, mahai jolasen txapelketa (mus, partxis...).
- 20:00etan, triki-poteoa.
- 22:00etan, afaria gaztetxean. Prezioa 12 euro. Izen-ematea Haizean apirilaren 7ra arte.
- 00:00etan, erromeria Xero Xiette taldearekin.
