Segurtasun Sailetik jakinarazi dutenez, goizaldeko 4:30 inguruan gertatu da atxiloketa. Patruila lapurreta gertatu den tabernara gerturatu da, hain zuzen, bizilagun batek barrutik kolpeak entzuten zirela jakinarazi eta gero. Establezimenduaren atzeko leihotik bi lagun ateratzen ikusi eta horietako bat, 23 urteko gizonezkoa, atxilotu dute agenteek.
Ertzaintzatik azaldutakoaren arabera, ihesera jo zuten bi lagunek. Susmagarrietako bat atxilotu dute eta ertzain-etxera eraman, jarraian. Identifikatu eta gero, indarra erabiliz eginiko lapurreta-delitua egotzi diote susmagarriari eta jakinarazi dute polizia-aurrekari ugari dituela. Zabalik dago ikerketa, ihes egitea lortu duen kidea aurkitu ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.