Hogei bikote berdintasuna aldarrikatzeko Elgetan egin duten lasterketan

Berdintasuna aldarrikatzeko eguerdian Elgetan egin duten lasterketako parte-hartzaileak.

Eguraldia lagun izan dute, eta bikote mistoek laster egin dute bi kilometro inguruko ibilbidea. Ondoren, oroigarri bana jaso dute eta salda beroa gozatu. Animatu direnek jokoak ere egin dituzte plazan.

Eguerdian eman diote hasiera herriko kale nagusienak zeharkatu dituen lasterketari. Dortsal moreak soinean hogei bikote mistok egin dute lasterketa, tartean hiru bat hirukotek. Helburua zen gizonen eta emakumeen arteko berdintasuna aldarrikatzea eta itzuli osoa egin ostean txaloak jaso dituzte parte-hartzaileek. Adin ezberdinetako lasterkariak izan ditu korrikaldiak.

Salda eta jokoak

Amaitutakoan oroigarri bana jaso dute parte-hartzaileek, baita antolatzaileek prestaturiko salda beroa dastatu ere. Ondoren etorri dira ongizate teknikariak prestaturiko jokoak. Martxoaren 8arekin lotutakoak izan dira: hizki-zopa, zapiaren jokoak...

Gaurko ekintzarekin amaitutzat ematen dira Elgetan Martxoaren 8ko ekintzak. Gogoratu Alicia Gartziak herriko hemezortzi amamari egindako argazkiekin osatutako erakusketa zeramika gelan dagoela ikusgai apirilaren 8ra arte.

Erlazionatuak

Berdintasunaren aldeko lasterketa, Elgetan (2016)

Elgeta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.