Aste bukaeran ekingo diote, Elgetan, herri galdeketaren aldeko sinadura bilketari

Elgetarrak Erain Debagoiena plataformak Arrasaten egindako ekitaldian.

Barikuan, martxoak 11, 18:30etik 20:00etara ipiniko dute mahaia plaza inguruan. Domekan ere ipiniko dute, 12:00etatik 14:00etara.

Erain Debagoiena plataformako Elgetako ordezkariek aste bukaeran abiaraziko dute sinadura bilketa erabakitzeko eskubidearen gaineko herri galdeketa egin ahal izateko. Barikuan, martxoak 11, 18:30etik 20:00etara ipiniko dute mahaia plaza inguruan. Domekan ere ipiniko dute, 12:00etatik 14:00etara. "Bailaran topera dabiltza sinadurak batzen. Gu asteburu honetan hasiko gara. 200 baietz!", adierazi dute  Elgetako lantaldetik.

Ekainaren 12rako iragarri du herri galdeketa Erain Debagoiena plataformak. "Debagoienean 10.000 sinadura lortu nahi ditugu, eta Elgetan 200. Ez da erronka makala! Gogoratu 16 urtetik gorakoek ere sinatu eta bozkatu ahal izango dutela", jakinarazi dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.