Eskolako neska-mutikoak 15:00etan emango diote hasiera mozorro kalejirari, eta eguraldiaren arabera plazan edo frontoian dantza jaialdia egingo dute. Txokolatea eskainiko du Maala Guraso Elkarteak 16:30ean, eta 17:00etan umeendako jokoak egingo dituzte. Eguraldiaren arabera ekintza horiek Herriko Plazan edo frontoian izango dira.
Udalak antolatuta, 18:30ean, diskofesta izango da Espaloia kafe antzokiaren Mariskal Dejairekin. Kalejiran joango dira neska-mutikoak kafe antzokira.
Gaztetxean herri afaria
Gaztetxetik herri afaria iragarri dute. Prezioa da hamar euro eta interesatuek Haizea tabernan eman behar dute izena otsailaren 3a aurretik. Menua da pasta entsalada, xolomoa piperrekin, postrea, kafea, ogia eta sagardoa. Gauerdirako karaokea prestatu dute gaztetxean.