Asteburu honetan abiaraziko dute herri mailako areto futbol txapelketa. Izena eman duten bost taldeak dira: Jaitxo, Astuan Villa, Kokotxa, Nahaste Borraste eta Tzibaz United.
Azken orduko aldaketarik ezean zapatuan, urtarrilak 30, jokatuko dute lehenengo jardunaldia. Bi partidu izango dira. Aurrez aurre izango dira, 17:00etan, Kokotxa eta Nahaste Borraste taldeak. Bigarren norgehiagoka 19:00etan izango da eta jokatuko dute Jaitxo eta Tzibaz United taldeek. Astuan Villa taldeak epaile lanak egingo ditu.
Egutegia eginda
Txapelketako norgehiagokak zapatu arratsaldez jokatuko dituzte. Izango dira bi partida zapatuko eta egutegia eginda dago. Partidak izango dira, printzipioz, 16:00etan eta 17:00etan. Taldeek adostu dute aldaketa beharra izanez gero tokatzen den asteburuaren barruan jokatuko beharko dutela aldatu nahi duten partida hori.
Norgehiagoka guztiak udal pilotalekuan jokatuko dituzte.