Herriko hamar neska-mutiko izango dira aurten Goienaren Kantari saioan

Aurreko Kantari saioan parte hartu zuen Elgetako taldeetako bat saioa grabatzen.

Bosna laguneko bi taldek eman dute izena Elgetatik, eta otsailaren 27an grabatuko dute Bergarako Zabalotegi aretoan. Hasita daude kantuak prestatzen.

Debagoieneko mila gaztetxok hartu dute parte, aurten, Kantari ikuskizunean, tartean Elgetako hamar neska-mutikok. Bosna laguneko bi taldek eman dute izena Elgetatik.

Tximeletak izeneko taldean ariko dira Alazne Lozano, Ehari Barquero, Janire Lopez, Maia Erostarbe eta Uxue Martin. Pirritx eta Porrotx pailazoen Iritsi da eguna abestuko dute.

Bigarren taldea osatzen dute Xabi Delgadok, Jon Irizarrek, Eider Ramosek, Nerea Canelok eta Olatz Irazabalek. Gatibu taldearen Euritan dantzan prestatuko dute.

Taldeek otsailaren 20an, egingo dute entsegua eta otsailaren 27an grabatuko dute ikuskizuna Bergarako Zabalotegin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.