Herriko pilota jokalari gaztetxoen festa

Txapelketako parte-hartzaileak Iraitz Lazkano alkatearekin eta Mikel Elkoro kirol zinegotziarekin.

Lau jardunaldi izan ditu, aurten, umeen Gabonetako pilota txapelketak. Laugarrena eta azkena Errege Egunean jokatutako finalena.

Adinaren arabera antolatuta sei kategoria izan ditu aurten txapelketak, horietatik bi palako modalitatean eta lau eskuz.

Errege Eguneko finalen jardunaldiak ikusle kopuru polita elkartu zuen. Antolatzaileek Mikel Urrutikoetxea eta Aitor Mendizabal pilotarien parte hartzea iragarria zuten, baina arrazoi ezberdinengatik ezinezkoa izan zen, azkenean.

Herriko pilotari gazteen festa izan zen atzokoa. Hamabi neska-mutiko irten ziren kantxara nork bere finala jokatzera eta norgehiagoka politak ikusteko aukera izan zen. Amaieran sari banaketa ekitaldia izan zuten gaztetxoek. Denek jaso zuten opari bana. Txapeldunek, gainera, domina bana.

Erlazionatuak

Umeen pilota txapelketa Elgeta. Sari banaketa

Elgeta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.