Elgetako pilota txapelketak baditu irabazleak. Urtero moduan Urtezahar egunean jokatu ziren helduen txapelketetako finalak. 40 urtetik azpikoetan Ibon Unzetabarrenetxeak eta Mikel Beretxinagak osatutako bikoteak 22-15 irabazi zion Oskar Sarasua eta Andoni Elorza bikoteari. 40 urtetik gorakoetan txapela Ibon Retolazarendako eta Enrike Elkororendako izan da. Bikote horrek 22-10 irabazi zion Mikel Elkoro eta Jose Mari Zubiaurre bikoteari. (beheko argazkian txapeldunak)
Errege egunean, umeak
Elgetako neska-mutikoek ere badute pilota txapelketa eta atzo, domeka, jokatu zuten ligaxkako azken jardunaldia. Errege egunean, hilak 6, jokatuko dituzte finalak, 11:30ean hasita. Amaitutakoan egingo dute sari banaketa eta umeek lehen mailako bi pilotariren eskutik jasoko dituzte sariak. Aitor Mendizabal pilotaria eta 2015eko buruz buruko txapeldun Mikel Urrutikoetxea izango dira sari banaketan.